Regine, halos iumpog ang ulo sa dingding ‘pag sinusumpong ng migraine!

ANG migraine ni Regine Velasquez ang sinasabing dahilan kaya nahimatay siya sa taping ng Diva noong Lunes at confinement sa ospital. Ang migraine ay isang uri ng sakit na nagbibigay ng matinding pananakit ng ulo.

Sina Regine at Senator Bong Revilla ang ilan sa mga showbiz personality na may migraine illness.

“Halos iumpog sa dingding ang ulo,” ang sagot ni Ogie Alcasid nang itanong namin sa kanya ang pakiramdam ni Regine sa tuwing sinusumpong ng migraine. Dahil sa sinabi ni Ogie, nagkaroon kami ng idea sa nara­ramdaman ng mga tao na kagaya ni Regine ang sakit.

Nag-suggest kami kay Ogie na subukan ni Regine ang acupuncture. Nasubukan na raw ni Regine ang acupuncture at malaking tulong ito pero sinusumpong pa rin ng migraine ang kanyang girlfriend.

Nagmamadali si Ogie nang makausap namin da­hil ilalabas pa niya sa ospital si Regine kaya hindi kami sigurado kung naintindihan niya ang aming suggestion na myotherapy.

Ito ang definition ng wikipedia tungkol sa myotherapy:

“Myotherapy treatment involves an extensive physical evalua­tion with an integrated approach to the treatment of involved muscles, joints and nerves. Myotherapy can be utilized to treat acute and chronic conditions, as well as in the area of preventative ma­nagement and prescriptive exercises.”

Si Rey Sta. Maria ng Better Care Pain Manage­ment Clinic ang nakatu­long sa amin nang makaranas kami noon ng matinding pana­nakit ng ulo. Isang clinical myothe­rapist si Rey at nag-aral siya ng myotherapy sa nag-iisang myothe­rapy institution sa Australia.

Si Rey ang nagpaliwanag sa amin na nakapagdudulot ng matinding sakit ng ulo ang mga nerves natin na naiipit ng mga muscle.

Sina Lolit Solis, Bebe Gandanghari at ang TAPE producer na si Mr. Tony Tuviera ang ilan sa mga makapagpapatunay sa ginhawa na dulot ng myotherapy. Walang mawawala kay Regine o sa ibang migraine patients kung susubukan nila ang myotherapy.